قصيده عن مدينة الحله

ليرغب اينور ضميره وفكرته *** يقـــــصد الحله ويحصل غايته
الحله نور تكون أبأمر الجليل *** الحله حل بيها علي حامي الدخيل
نولد بيها النبي ابراهيم الخليل *** والنبي ايوب طابــــــــت علته
الحله بيها المرتضى رد الشمس *** او صله بيها او صلت الجن والانس
او كال تربتها شفاء للنفس *** الحله حليه ومن الاله وجنته
الحله بيها زيد ابن رابع امام *** الحله بيها البكر مصباح الظلام
الحله بيها الفارسي وبيها المقام *** وبيــــــها ابن طاووس رفت رايته
نور افكارك بسر المكرمات *** روح للقاسم وشوف المعجزات
والحمزه سبع زبيد شريان الحياة *** هذا الي يتشافى المريض بتربته
لو زرت مرقد علي بن الحسين *** تشوف بيه ايات رب العالمين
من رشيد الهجري مكطوع اليدين *** اخذ عبره بتضحياته وهمته
نالت الحـــــله الشرف والمكرمه *** من فضل ساداتها انجوم السمه
الحـــــله دار العلم يالمالك علم *** الحله لليهوه الفقه روح بجسم
الحــــله اسرار ومقاييس الزلم *** بس علي الحله عرفها وعرفته
نالت الحـــــله مراقد انبياء *** ترابها اتشرف بدفن العلماء
وحيدر الحـــلي امير الشعراء *** اتشرف بشوفة المهدي وطلعته
اشتهرت الحـــله بميادين الجهاد *** بالعلم والعمل وارشاد العباد
اشكثر شخصيات عدوهم اسباع *** الكاع لفتهم وحتى الكبر ضاع
بس رجال الدين ظلوا بارتفاع *** ابأمر من رب الجلاله وقدرته
انشد التاريخ ينطيك الخبر *** ماظلم بالحله حاكم وانتصر
عاشت الحـــله الجمعت هذا المجد *** او ضمت اربعمية عالم مجتهدمن
الخليعي وابو القاسم تستمد *** والامير دبيس خلد نهضته
الحــ له بيها هبط جبريل الامين *** الحــــــــله جنه وساكنيها الصالحين
الحله بيها اتطوف زوار الحسين *** للقاصدين من المدن لزيارته
قاصدين لكربله ابمجره الدموع *** او جابر الانصاري يتلكه الجموع
ومن اجه السجاد مفجوع ويلوع *** على الكبر طاح او يقبل تربته